Magnus Carlsen novo campión mundial de xadrez

Unhas táboas na décima partida do match deron a vitoria matemática a Magnus Carlsen diante de Viswanathan Anand na décima partida do match polo campionato do mundo de xadrez.

O match foi xogado en Chennai, na India. Estaba pactado a doce partidas, pero non foi necesario xogalas todas, sendo o resultado final a favor do noruegués +3 =10 -0.

Web oficial.

Anand - Carlsen 2013. Anand deixase unha peza e as súas opcións na novena partida

Anand xogou a gañar e perdeu. Atacou con todo e obrigou a Carlsen a defenderse con xogadas case únicas, pero nos apuros de tempo nunha posición de dobre fío errou e tivo que abandoar.  Quedan tres partidas e con medio punto Carlsen será o novo campión do mundo.

Web oficial.

Azerbaijan gaña o europeo de seleccións

Os xogadores azerís gañaron a medalla de ouro no europeo que tivo lugar en Polonia. Na segunda praza e medalla de prata acabou o equipo francés, e salvando os mobles ao final o euipo ruso levou o bronce. España o fixo mal e rematou no posto 19 partindo do 11.

Na sección feminina as gañadoras foron as ucranianas, seguidas das rusas e as polacas. O equipo español o fixo ben, quedando no posto 11 cos mesmos puntos que o sexto.

Resultados en ChessResults.

Match Anand - Calsen 2013. Dúas táboas máis deixan a Carlsen máis cerca da coroa

Ningún apuro pasou Carlsen ante Anand nas partidas sete e oito, polo que o indio terá que facer moito máis se quere nivelar o match nas catro partidas que faltan. Na sete, con brancas, o campión non conseguiu apretar ao aspirante que empregou outra vez a berlinesa na española. Na oitava partida repetiuse apertura con colores cambiados, e Carlsen xogou unha partida tranquila que non foi alterada por Anand e o punto repartiuse sen nada que salientar.

Web oficial.

Anand - Carlsen 2013. Carlsen gaña dúas partidas seguidas e ponse +2 na metade do match

O noruegués Magnus Carlsen, o aspirante ao título, gañou as partidas 5ª e 6ª do match ante o campión mundial Viswanathan Anand e toma clara vantaxe para o que resta da competición. Carlsen gañou dous finais xogando moi preciso e agardando unha imprecisión do campión. Cando estas chegaron non as deixou pasar e venceu primeiro con brancas e ao día seguinte con negras.

Web oficial.

Campionato de Europa de seleccións (R5) Francia na cabeza

Tras cinco roldas o equipo francés está a dar a sopresa e marcha na cabeza en solitario.  Na segunda praza empatan varios equipo, destacando Grecia e Xeorxia que non partían entre os mellores. España está a obter resultados normais.

Web oficial.

Match Anand - Carlsen Mundial 2013 - Empate tras catro partidas

O xadrez de altura apareceu nas partidas tres e catro, onde os que levaron negras tiveron contra as cordas ós das brancas. Pero defensas precisas fixeron que non se pasase das táboas e que o marcador esté 2-2.

Web oficial.

Comezou o match Anand - Carlsen pola coroa mundial

Xa está en marcha o encontro no que Anand Viswanathan defende o seu título diante de Magnus Carlsen. Tras as dúas primeiras partidas o marcador está igualado, con moito respeto entre os dous xogadores.

Web oficial.

Nova lista de Elo FIDE de novembro. Aronian recupera a segunda praza.

Non hai moitos cambios. Carlsen segue sendo o número un e ten unha diferenza de 95 respecto a Anand a poucos días de comenzar o match polo título. Nakamura chega máis alto que nunca, a cuarta praza. Radjabov segue sen levantar cabeza, e agora está no posto 33º. O primeiro español segue a ser Vallejo, con 2705 no posto 44. Na lista feminina como sempre manda Judith Polgar.

Copa Galicia de Clubes 2013

Vaise xogar no Casino da Coruña, organizada polo CIDU, os días 16 e 17 de novembro. Categorías cadete e absoluta.

Información da FEGA.