domingo, 31 de xullo de 2011

- Torneo de Dortmund (Final) Kramnik perde con Nakamura pero gaña o torneo

Unha derrota na derradeira partida fai menos brillante a vitoria de Vladimir Kramnik no torneo de Dortmund. Nakamura conseguiu derrotar ao ruso xogando con negras unha defensa india de rei, na que Kramnik sacrificou unha peza para atacar. Non é habitual este estilo de xogo no excampión mundial e non foi capaz de rematar o ataque, Nakamura superou os problemas e fixo boa a vantaxe material.
As outras dúas partidas remataron en táboas, e non alteraron a táboa clasificatoria: Le Quang segundo e Ponomariov terceiro.
Web oficial.

sábado, 30 de xullo de 2011

- Campionato Mundial Junior. A derradeira oportunidade de Iván Salgado


A partires do 2 de agosto vai ter lugar en Chennai, na India, a 50 edición do Campionato do Mundo Junior. O GM galego Iván Salgado vai ser o representante de España, na que será a súa última oportunidade de obter este título, que xa lograra Vallejo para España unha vez.
Vai ser unha longa competición e con moitos xogadores fortes, algúns co título de GM no peto. Os favoritos sempre son os rusos, que envián a dous GM, Sjugirov e Matlakov con máis de 2600, e o terceiro representante, Shimanov ten 2586. Pero tamén hai dous armenios, dous azerís, dous indios e dous polacos con máis de 2500, o mesmo que un croata, un checo, un alemán, un húngaro, un israelí, un peruano, un turco e un americano.
Iván Salgado partirá co número 3 do ranking inicial dun suizo a 13 roldas. O ritmo de xogo será de 90' para os primeiros 40 movementos, e despois 30' para rematar a partida, con incrementos de 30'' para cada xogada durante toda a partida.

venres, 29 de xullo de 2011

- Torneo Internacional de Biel 2011 (Final) Gaña Carlsen e Morozevich volve á elite

A derradeira xornada do torneo foi máis de trámite que de outra cousa, e soamente serviu para que Morozevich gañase a Pelletier e recuperase máis puntos elo para poder superar os 2700 na lista de setembro.
A táboa final:


1.Magnus CarlsenNOR2821 19
2.Alexander MorozevichRUS2694 17
3.Maxime Vachier-LagraveFRA2722 12
4.Alexei ShirovESP2714 12
5.Fabiano CaruanaITA2711 10
6.Yannick PelletierSUI2590 5

Web oficial

- Torneo de Dortmund (7R) Kramnik escápase na táboa

Unha nova vitoria de Vladimir Kramnik na sétima rolda fai que teña dous puntos de vantaxe sobre o seu seguidor, Le Quang. Tendo en conta que faltan tres partidas non parece posible que o ruso perda a cabeza no que falta.

- Torneo Internacional de Biel 2011 (9R) Vitoria matemática de Carlsen

A derrota de Morozevich deixa o torneo decidido. Magnus Carlsen vai ser o gañador pase o que pase na derradeira rolda.

mércores, 27 de xullo de 2011

- Torneo de Dortmund (6R) Tres táboas

Non hai cambios na xeral neste torneo xa que todas as partidas remataron en táboas. Nakamura tentou atracar a Giri nun final de táboas, pero o holandés non picou. Le Quang e Meier xogaron ata matar unha posición que sempre estivo nivelada. Ponomariov sufriu un pouco con brancas para acadar táboas con Kramnik.

- Torneo Internacional de Biel 2011 (8R) Táboas entre os de cabeza

A partida entre Morozevich e Carlsen rematou en táboas tras unha partida con bastante loita. Shirov conseguiu batir a Caruana, e Vachier-Lagrave afundiu un pouco máis a Pelletier tras derrotalo. Carlsen mantén a distancia con Morozevich de tres puntos.

- Torneo Internacional de Biel 2011 (7R) Carlsen imparable

A traxectoria do noruegués Magnus Carlsen está a ser impresionante no torneo de Biel: +5=1-1. Soamente Morozevich, que parece recuperar o nivel de fai uns anos, consegue manter o ritmo e está a unha vitoria de diferenza. O español Shirov comparte a terceira praza con Vachier-Lagrave. Caruana saiu da derradeira posición, que ocupa agora Pelletier.

martes, 26 de xullo de 2011

- Torneo de Dortmund (5R) Kramnik non ten rival

O excampión mundial Vladimir Kramnik está a arrasar aos seus rivais no torneo alemán de Dortmund. En cinco partidas soamente cedeu unhas táboas é ten o seu inmediato seguidor a punto e medio. Chama a atención a baixa forma de Nakamura, que leva soamente 1,5 puntos.
A táboa na metade do torneo:
1Meier,G2656
XX00½½½1,5
2Kramnik,V2781
1XX111½4,5
3Giri,A2701
10XX½0½2
4Nakamura,H2770
½0½XX0½1,5
5Ponomariov,R2764
½011XX02,5
6Le Quang,L2715
½½½½1XX3

- Mundial por equipos 2011 (Final) Armenia é a campiona!


Tras un empate 2-2 con Ucrania na derradeira rolda o equipo de Armenia proclamouse Campión Mundial por Equipos. Na segunda posición quedou China, e os ucranianos levaron o terceiro posto.
Táboa final.

Rk.Team12345678910TB1TB2TB3
1Armenia*22221422.50
2China*231322.50
3Ukraine2*21219.50
4Russia22*3314310210
5Hungary1*2231019.50
6USA2½12*31018.50
7Azerbaijan223*329190
8India1211*715.50
9Israel½0½2*35130
10Egypt½½11½1*090

Resultados e estatísticas en ChessResults.
Web oficial.

luns, 25 de xullo de 2011

- Mundial por equipos 2011 (8R) Armenia a un paso da vitoria

Armenia non pasou do empate con Azerbaijan, que non é mal resultado, e os chineses grazas a vencer 3-1 á India están agora a dous puntos dos líderes. Os ucranianos tamén están agora a dous puntos dos armenios tras vencer pola mínima aos americanos. Chineses e ucranianos son os únicos que poderían alcazar aos armenios na clasificiación final.
Os rusos esnaquizaron a Israel por 4-0 e recortan distancias, pero non van ter opcións de gañar o torneo, porque soamente queda unha rolda. Exipto estivo cerca outra vez, pero segue sen conseguir puntuar. Desta vez perderon con Hungría.
Na derradeira rolda os ucranianos enfrontanse aos armenios, ca necesidade de gañar e se pode ser por moita diferenza. Os beneficiados poderían ser os chineses se gañan aos húngaros, pero parece que os armenios teñen todo no seu favor.
A clasificación antes da rolda final:
RankTeamGam.+=-12345678910MPPts.Res.SB.
1Armenia8530*2.52.02.52.02.02.53.53.51320.5096.00
2China85121.5*2.52.53.52.03.01.53.51120.0081.75
3Ukraine85121.5*2.01.52.52.52.52.52.51117.5074.25
4Russia84222.01.52.0*3.03.01.04.03.01019.5072.00
5Hungary84221.52.51.0*2.02.52.03.53.01018.0067.50
6USA83232.00.51.51.02.0*2.53.03.5816.0056.25
7Azerbaijan82332.02.01.53.01.51.5*3.02.0716.5058.50
8India82151.51.01.52.01.01.0*2.52.5513.0028.00
9Israel82150.52.51.50.00.52.01.5*3.0511.5035.75
10Egypt80080.50.51.51.01.00.51.51.0*07.500.00