xoves, 31 de decembro de 2015

Magnus Carlsen gañou o Open de Qatar

O campión mundial rematou o Open de Qatar 2015 sumando 7 de 9 puntos, empatado co chinés Yangyi Yu. No desempate a blitz Carlsen gañou 2-0.
Tras deles empataron a 6,5 puntos un grupo de cinco xogadores: os rusos Kramnik, Karjakin e Sjugirov, o chinés Hua NI e o ucraniano Ivanchuk.

martes, 22 de decembro de 2015

Ivan Popov (Rusia) campión europeo de rápidas 2016

Tras finalizar con 10 puntos e imbatido nas once roldas do torneo o GM Popov proclamouse en Minsk novo campión de Europa 2016 de xadrez rápido. Tras del, a medio punto, rematou o GM armenio Melkumian que levou en solitario a segunda praza. Oito xogadores empataron con 9 puntos a continuación, favorecendo o desempate ao ucraniano Vadim Razin, xogador sen título.

luns, 21 de decembro de 2015

O azerí Mamedov campión europeo de blitz 2015

O Campionato de Europa de Blitz foi gañado polo GM Rauf Mamedov, que rematou a competición con 18 puntos dos 22 posibles (11 roldas a dúas partidas) Cos mesmos puntos quedou o ruso Boris Savchenko, pero con peor desempate. Outros dous rusos quedaron a continuación con 17 puntos, pero por desempate a terceira prza foi para Riazantsev e a cuarta para Bocharov.
Web oficial.

venres, 18 de decembro de 2015

luns, 14 de decembro de 2015

Campionato de Europa 2015 Blitz e Rápido

Do 17 ao 20 de decembro unha chea de GM europeos van tratar de gañar en Minsk a coroa de campión de rápidas e de blitz. Ningún español tivo o valor de apuntarse.

Carlsen gaña o Torneo de Londres

A sala de xogo - Web oficial.
O London Chess Classic rematou con tres xogadores empatados na cabeza a 5,5 puntos: Magnus Carlsen, Anish Giri e Maxime Vachier-Lagrave. As normas do torneo especificaban que habería que desempatar a rápidas se isto pasaba e iso foi o que fixeron. No primeiro match entre o 3º e 2º por Sonnen o francés gañou ao holandés no Armageddon, o que o levou a disputar a vitoria final contra o campión do mundo. Carlsen gañou con brancas e tras empatar con negras adxudicouse o primeiro premio.
Tras os tres da cabeza rematou Aronian a medio punto. Caruana, Adams e Grischuk fixeron 4,5 por 4 de Nakamura. Pecharon dous excampións mundiais: Anand con 3,5 puntos e Topalov que con 2,5 sobre 9 quedou na derradeira posición.

luns, 27 de abril de 2015

O match de exhibición entre Karparov e Short remata 8,5 - 1,5

O excampión mundial Gary Karparov demostrou estar en moi boa forma todavía, tras pasar por riba de Nigel Short nun match de rápidas e blitz xogano en San Luis (USA), onde o inglés soamente foi quen de facer tres táboas.

domingo, 26 de abril de 2015

Carlsen gaña o Torneo de Shamkir 2015 Memorial Gashimov

O campión do mundo Magnus Carlsen tivo unha actuación estelar no Memorial Gashimov, que tivo lugar na cidade de Shamkir en Azerbaijan. Rematou o torneo facendo sete (+5 =4 -0) dos nove puntos en xogo nun torneo onde a media de elo era 2773. Na segunda praza quedou Anand, a un punto do gañador (+3 =6 -0),  e na terceira empataron a cinco puntos Caruana (+2 =6 -1) e Wesley So (+3 =4 -2).
Tras deles quedaron Kramnik e Mamedyarov con catro puntos, e con tres e medio empataron o resto de participantes: Adams, Giri, Vachier-Lagrave e Mamedov.

domingo, 8 de marzo de 2015

Campionato de Europa 2015 (Final) O ruso Evgenyi Najer gañador en solitario

O GM ruso Najer foi o gañador do campionato europeo que tivo lugar en Xerusalén, sumando 8,5 puntos en 11 partidas. Tras del na segunda praza quedou o checo Navara con 8 puntos, os mesmos que o polaco Bartel e o ruso Khismatullin, pero polo desempate a orde foi esa.
Vallejo partía do posto 6 no ranking e rematou no 56. Non foi moito mellor a actuación de Salgado, que do 43 acabou no 105.

xoves, 26 de febreiro de 2015

Campionato de Europa 2015 (R3) Quedan cinco xogadores con tres de tres

Cinco xogadores todavía co 100% dos puntos ocupan o grupo de cabeza en Xerusalén. Mañá ocuparán as primeiras mesas, e soamente queda Navara dos dez primeiros cabezas de serie. Dos españois Salgado gañou a súa partida e ten 2,5 puntos. Vallejo empatou e ten 2.

mércores, 25 de febreiro de 2015

Campionato de Europa 2015 en Xerusalén

Do 23 de febreiro ata o 9 de marzo, por sistema suizo, vai ter lugar o campionato europeo de xadrez. Por España xogan Vallejo e Salgado, que parten do número 6 e do número 43 do ranking inicial. Moitas ausencias, con soamente seis xogadores por riba dos 2700.
Na primeira rolda Salgado gañou a un MF ruso de 2227 e Vallejo deu táboas a un grande mestre israelí de 2444.

xoves, 12 de febreiro de 2015

Carlsen gañou en Baden Baden

O campión mundial Magnus Carlsen resultou o gañador do torneo de Baden Baden tras vencer no desempate a Naiditsch, despois de que os dous rematasen o torneo con catro puntos e medio. Na terceira e cuarta praza empataron Adams e Caruana, a medio punto dos primeiros.

xoves, 5 de febreiro de 2015

Nakamura gaña o Open de Gibraltar

O americano Hikaru Nakamura foi o gañador do Open de Gibraltar, tras facer 8,5 puntos en 10 roldas. Na segunda praza quedou o inglés David Howell a medio punto, e medio por diante dun grupo de oito xogadores que quedaron empatados con 7,5: a campiona mundial feminina Yifan Hou, Vitiugov, Topalov, o MI alemán Wagner, Adhiban, Harikrishna. Bachmann e Malakov.
Os mellores dos españoi foron Iván Salgado e David Antón, os dous con seis puntos. Aparte do torneo "grande" había pequenos "opens" para amateurs, e a destacar ao MF Luis Javier Sánchez, que gañou o Challenger "A".

martes, 3 de febreiro de 2015

Comezou o Torneo de Baden Baden

Un clásico dos pechados deu comezo en Alemania, un fortísimo torneo con Carlsen, Caruana, Anand, Aronian, Bacrot, Adams, Naiditssh e Baramidze. Ata o sete de febreiro con retransmisións en directo.

Comezou o Open de Moscú

Non ten nomes tan ilustres como o de Gibraltar, pero o Open de Moscú é un festival con varios torneos en marcha (categoría absoluta, feminina, veteráns, estudantes...) para superar o milleiro de xogadores. Os premios totais supean os catro millóns de rublos (máis de 50.000 €). Está a xogar Vallejo, que é un dos primeiros do ranking.

luns, 26 de xaneiro de 2015

Comeza o Open de Gibraltar

Comezou o Open de Gibraltar, un dos máis fortes do ano, con Topalov, Nakamura e Svidler como cabezas de serie. Dos españois xoga Salgado, Antín Guijarro e Renier Vázquez como máis destacados. Os premios son máis que bos, levando o primeiro, por exemplo, 20.000 libras.
Os 30 primeiros do ranking:
1GMTopalov Veselin2900084BUL2800
2GMNakamura Hikaru2016192USA2776
3GMSvidler Peter4102142RUS2739
4GMVitiugov Nikita4152956RUS2735
5GMJakovenko Dmitry4122356RUS2733
6GMYu Yangyi8603820CHN2724
7GMHarikrishna P.5007003IND2723
8GMRapport Richard738590HUN2716
9GMMatlakov Maxim4168003RUS2695
10GMCheparinov Ivan2905540BUL2681
11GMRodshtein Maxim2806851ISR2680
12GMWei Yi8603405CHN2675
13GMHou Yifan8602980CHN2673
14GMJones Gawain C B409561ENG2671
15GMHowell David W L410608ENG2670
16GMMotylev Alexander4121830RUS2665
17GMIturrizaga Bonelli Eduardo3901211VEN2649
18GMEdouard Romain633429FRA2638
19GMSutovsky Emil2802007ISR2637
20GMBartel Mateusz1112635POL2631
21GMAdhiban B.5018471IND2630
22GMBachmann Axel3700488PAR2629
23GMSalgado Lopez Ivan2257327ESP2628
24GMAgdestein Simen1500015NOR2626
25GMSethuraman S.P.5021596IND2624
26GMNaroditsky Daniel2026961USA2622
27GMAnton Guijarro David2285525ESP2617
28GMLenderman Aleksandr2021285USA2614
29GMBologan Viktor13900048MDA2608
30GMSalem A.R. Saleh9301348UAE2603

domingo, 25 de xaneiro de 2015

Tata Chess 2015 (Final) Magnus Carlsen gaña e catro xogadores empatan na segunda praza

O campión mundial Carlsen levouse o clásico de Wijk Aan Zei, o Tata Steel Chess, facendo nove puntos sobre os trece posibles. Tras del catro xogadores empataron con medio punto menos: Vachier-Lagrave, Giri, So e Ding.
No torneo "B" o gañador foi o chinés Wei, con dez puntos e medio. A medio punto quedou Navara e a un do checo quedou o americano Shankland.

venres, 23 de xaneiro de 2015

Tata Steel Chess (R11) Wesley So achégase a Carlsen

Tras a xornada de hoxe Magnus Carlsen segue de líder do torneo con 8 puntos, seguido por Wesley So, que hoxe recortou medio punto tras gañar a Saric. Con 7 están Giri, Vachier-Lagrave e Ding.

domingo, 18 de xaneiro de 2015

Tata Steel Chess 2015 (R8) Outra vitoria de Carlsen o deixa líder en solitario

Magnus Carlsen tras gañar a Jobaba levando negras é o novo líder en solitario do torneo tras a derrota de Ivanchuk. Nun final de damas de súpeto o campión mundial montou unha rede de mate decisiva que deulle o punto, polo que con seis sobre oito mantén a primeira praza. O outro líder Ivanchuk xogaba contra o segundo clasificado, Wesley So. Xogaron unha liña da española parecida ao gambito Marshall, onde So sacrificou unha peza contra o enroque branco e a continuación de Ivanchuk non foi a acertada para saír dos problemas tácticos e tivo que abandonar na xogada 26ª.
Vachier-Lagrave, que tamén estaba a medio punto da cabeza, deu boa conta de Giri nunha posición onde as pezas do francés coordináronse perfectamente para obter vantaxe decisiva pouco despois de iniciarse o medio xogo e chegar a un final gañado. Liren Ding derrotu a Ivan Saric tras gañarlle unha peza nunha combinación no medio xogo tras unha defensa eslava. So, Ding e Vachier-Lagrave quedan a medio punto de Carlsen con cinco puntos e medio.
Caruana con negras conseguiu vencer a Van Wely nun final de damas onde tiña tres peóns de vantaxe, tras conseguir esquivar a serie de xaques do holandés. Radajabov gañou a Wojtaszek montando unha rede de mate nun final de peóns, con unha torre e bispos de distinta cor. Hou e Aronian empataron nunha partida onde a campiona do mundo tivo másis oportunidades de gañar, pero non acertou.
Mañá é día de lecer para os xogadores, e as partidas estarán de volta o martes.

sábado, 17 de xaneiro de 2015

Tata Steel Chess 2015 (R7) Carlsen chega ata a cabeza tras gañar a cuarta partida seguida

Nesta rolda tiñamos un enfrontamento entre os dous campións mundiais actuais, e nel Magnus Carlsen conseguiu derrotar a Yifan Hou. A partida chegou a unha situación complicada e con apuros de tempo para os dous xogadores. A iniciativa era do noruegués, que estaba algo máis apurado, pero a xogadora chinesa non acertou nunha xogada e a súa posición pasou de apurada a perdida.
O colista Jobaba por fin gañou, e foi a quen era ata agora o heroe do torneo tras gañar a Carlsen e Caruana, Wojtaszek. Outro gañador da xornada foi Vachier-Lagrave que con negras conseguiu superar ao croata Saric. Aronian e Caruana fixeron táboas, o mesmo que So e Radjabov.
O líder Ivanchuk chegou a un final contra Giri onde o holandés tiña dama e dous peóns contra un e a dama do ucraniano, pero a situación dos tres peón en soamente dúas columnas daban boas posibilidades de defensa a Ivanchuk, e as táboas chegaron na xogada 102. Na partida entre Ding e Van Weely o chinés acadou un final con dous peóns de vantaxe, onde o holandés con bispo e torre contra cabalo e torre defendeuse todo o que pudo, pero acabou perdendo.
Tras esta rolda os líderes do torneo son Ivanchuk e Carlsen con 5 puntos, seguidos de Vachier-Lagrave, So e Ding a medio punto.

venres, 16 de xaneiro de 2015

Tata Steel Chess 2015 (R6) Ivanchuk líder con Carlsen, Wojtaszek e So a medio punto

A sexta rolda deixounos un empate de Ivanchuk que permíte ao ucraniano manter a primeira praza con 4,5 puntos. Dos seus perseguidores Lireng Ding perdeu co francés Vachier-Lagrave, e Wojtaszek non pasou do empate ca campiona mundial Yifan Hou. No encontro máis agardado do torneo Carlsen con negras derrotou a Caruana, encadeando tres vitorias seguidas, e deste xeito suma catro puntos e entra no grupo dos perseguidores do líder. A ese grupo sumouse o americano antes filipino Wesley So tras derrotar a Jobava, que leva medio punto e é colista destacado. Aronian vai penúltimo e segue sen recuperar a forma.
Xunto ao torneo Masters estase a xogar o Challengers, onde o chinés Yi Wei encabeza a táboa empatado con Navara.

xoves, 15 de xaneiro de 2015

Tata Steel Chess 2015 (R5) Ivanchuk mantén a cabeza

Tras facer táboas con o que era o segundo clasificado, o chinés Lireng Ding, o ucraniano Ivanchuk segue de líder do torneo con 4 puntos, sendo 3,5 os que ten Ding. Empatado co xogador da China está o polaco Wojtaszek, que tras gañar o outro día a o número un do mundo, Carlsen, hoxe o fixo co número dous, Caruana. Con 3 puntos están Caruana, Carlsen tras gañar a Aronian, e Giri que derrotou a Jobava.
Os resultados da rolda:
Vachier-Lagrave - Van Wely: 0,5 - 0-5
Ding - Ivanchuk: 0,5 - 0-5
Saric - Radjabov: 0 - 1
Giri - Jobava: 1 - 0
So - Hou: 0,5 - 0-5
Wojtaszek - Caruana: 1 - 0
Carlsen - Aronian: 1 - 0  
Na sexta rolda o encontro máis interesante é o Caruana - Carlsen. Ivanchuk defenderá o liderato contra Saric.

martes, 13 de xaneiro de 2015

Tata Steel Chess 2015 (R4) Ivanchuk líder con 3,5 sobre 4

O ucraniano Ivanchuk está nunha desas rachas boas que alterna con outras nefastas, e iso fai que estea na cabeza do torneo con 3,5 puntos, medio por diante de Caruana e Ding, que levan 3. O favorito do torneo, Carlsen, soamente leva a metade dos puntos, e aínda peor vaille a Aronian, outro dos que tiñan que loitar polo torneo, que leva 1,5.

sábado, 10 de xaneiro de 2015

Tata Steel Chess 2015 (R1) Tres líderes

Ivanchuk, Vassier-Lagrave e Caruana son os primeiros líderes do torneo tras vencer na primeira rolda a Jobava, Hou e Ding. As outras catro partidas foron empates con loita.
Os resultados completos:
Radjabov, T. - Van Wely, L.  ½-½
Ivanchuk, V. - Jobava, B.1-0
Vachier-Lagrave, M. - Hou, Y.1-0
Ding, L. - Caruana, F. 0-1
Saric, I. - Aronian, L. ½-½
Giri, A. - Carlsen, M. ½-½
So, W. - Wojtaszek, R. ½-½

xoves, 8 de xaneiro de 2015

O dez de xaneiro comeza o Tata Steel Chess 2015

Un ano máis o festival holandés de xadrez vai ter lugar en Wijk Aan Zee. Catorce xogadores toman parte do torneo principal, con Carlsen, Caruana, Aronian, Giri e Wesley So como cabezas de serie.

domingo, 4 de xaneiro de 2015

Primeira lista de Elo do 2015

O ano comeza con Carlsen na primeira praza, con 2862. Tras del está Caruana, que afastouse do noruegués e anda agora polos 2820. O ruso que parece que nunca está a facer nada, Grischuk, é o terceiro con 2810, e o excampión mundial Topalov esta preto da que foi a súa mellor marca alcanzando os 2800. Anand é o seguinte, con 2797, que é o mesmo elo de Aronian, que non voltou a recuperar o 800 dende que os perdese fai meses. O holandés Giri ten 2784 e está un punto por riba do ruso Kramnik. Na novena praza está Nakamura con 2776 e pecha o Top-10 Wesley So, que pasou de xogar por Filipinas a facelo por USA e así seguir sumando unha nova estrela ao xadrez americano nacida lonxe de alí.
Na lista de rápidas o primeiro é Caruana con 2855 sacando un puntiño a Carlsen. Na de blitz o estratosférico 2948 de Carlsen fai que teña que forzar a vista para ver ao segundo, que é Nakamura con 2883.
O primeiro español segue a ser Vallejo, que segue por riba do 700 con 2716 e ocupa o posto 41º do mundo.