Grand Prrix FIDE - Zug (R8) Topalov marcha líder

Na localidade suiza de Zug estase a xogar un torneo desa competición que á que FIDE tenta dar importancia dende fai anos, o Grand Prix, con pouco éxito. Tras oito partidas está na cabeza o búlgaro Topalov, medio punto de vantaxe sobre Ponomariov e un sobre Karjakin e Caruana.
Web oficial.

Memorial Alekhine 2013 (R5) Dous franceses na cabeza da táboa

Chegado o primeiro día de descanso no Memorial Alekhine está na cabeza Vachier-Lagrave con 3,5 puntos (+2 =3 -0), e tras del está Fressinet a medio punto (+1 =4 -0). Parece que xogar no Museo do Louvre inspira aos xogadores galos.

Empatados con Fressinet están Gelfand, Aronian e Adams. Co 50% dos puntos atópase Anand, e a continuación Ding, Kramnik e Votiugov con 2 puntos. Pecha Svidler con un. De momento está a ser un torneo arrepiante para os rusos, que ocupan tres das catro derradieras prazas.

Web oficial.

Memorial Alekhine 2013 (R4) Aronian, Vachier-Lagrave, Admas e Gelfand na cabeza

Tras catro roldas xogadas tres xogadores mandan na clasificación con dous puntos e medio: o armenio Aronian, o francés Vachier-Lagrave, o israelí Gelfand e o inglés Adams.

Está a ser un torneo movido, proba de elo é que para ser líder soamente hai que ter medio punto máis do 50% e soamente quedan tres xogadores imbatidos dos dez que participan. Na cuarta rolda Aronian derrotou a Svidler, que estando peor cometeu un erro que rematou a partida no momento. O resto das partidas foron táboas.

Web oficial.

Comezou o Memorial Alekhine

Un dos torneos máis fortes do ano está a ter lugar estes días. Parte vaise xogar en París e outra parte en San Petersburgo. Os escenarios non poden ser mellores: o museo do Louvre en París e o Museo Ruso en San Petersburgo.
Aronian, Kramnik e Anand están á cabeza como favoritos. Na primeira rolda gañaron Kramnik a Vitiugov, Liren a Aronian e Adams a Kramnik, polo que podemos decir que houbo un par de sorpresas, Táboas entre Vachier-Lagrave e Fressinet e entre Svidler e Gelfand. Unha vez máis os rusos fan unha retransmisión do torneo abraiante, en HD e con comentarios en ruso, inglés e francés.

Web oficial.

Pasamento do GM Robert Byrne

Aos 85 anos morreu o xadrecista dos Estados Unidos Robert Byrne. Foi un dos habituais da selección americana nas olimpiadas durante 30 anos, na que xogou moitas veces con Fischer e obtivo varias medallas. Chegou a clasificarse para os matchs de candidatos de 1974, onde caeu ante Spassky.

Campionato de España Universitario 2013 en Extremadura

Finalmente haberá campionato universitario, que vai ter lugar en Badajoz do 16 ao 19 de abril. Nove roldas de xadrez rápido.

Información na FEDA.

Candidatos 2013 (Final) Carlsen gañador, perdendo a sú partida, pola derrota tamén de Kramnik

Tras perder Carlsen na partida ca que pechaba o torneo contra Svidler, a Kramnik bastáballe o empate para ser o campión, pero a súa posición con Ivanchuk era mala. Uns minutos máis tarde da derrota de Carlsen, Kramnik tiña que renderse diante do xenio ucraniano. Deste xeito, o desempate favoreceu o noruegués polas súas cinco vitorias.

Aronian gañou a Radjabov e quedouse a medio punto dos primeiros empatado con Svidler, que sempre fai bo papel nestes torneos. Aquí o desempate favoreceu ao ruso, que fixo 1,5 no enfrontamento particular. Quinto e sexto Gelfand e Grischuk, sétimo Ivanchuk e pechou a decepción do torneo Radjabov.

Rank	SNo.		Name	Rtg	FED	1	2	3	4	5	6	7	8	Pts	Res.	vict
1	8	GM	Carlsen Magnus	2872	NOR	* *	½ ½	1 0	½ ½	1 1	1 ½	½ 0	½ 1	8½	1	5
2	5	GM	Kramnik Vladimir	2810	RUS	½ ½	* *	½ 1	½ 1	½ ½	½ 1	½ 0	½ 1	8½	1	4
3	4	GM	Svidler Peter	2747	RUS	0 1	½ 0	* *	½ 1	½ ½	½ ½	½ 1	1 ½	8	1½	4
4	1	GM	Aronian Levon	2809	ARM	½ ½	½ 0	½ 0	* *	1 0	½ ½	1 1	1 1	8	½	5
5	2	GM	Gelfand Boris	2740	ISR	0 0	½ ½	½ ½	0 1	* *	½ ½	½ ½	½ 1	6½	1	2
6	6	GM	Grischuk Alexander	2764	RUS	0 ½	½ 0	½ ½	½ ½	½ ½	* *	½ 1	½ ½	6½	1	1
7	3	GM	Ivanchuk Vassily	2757	UKR	½ 1	½ 1	½ 0	0 0	½ ½	½ 0	* *	0 1	6	0	3
8	7	GM	Radjabov Teimour	2793	AZE	½ 0	½ 0	0 ½	0 0	½ 0	½ ½	1 0	* *	4	0	1

Web oficial.

Candidatos Londres 2013 (R11) Kramnik achégase a Carlsen e supera a Aronian

A undécima rolda trouxo un novo empate rápido, desta ven entre Ivanchuk e Gelfand. O líder Carlsen tamén fixo unhas táboas bastante rápidas contra Grischuk, e quedaba a espera das restantes partidas para ver se seguía como líder en solitario. Na partida Svidler - Aronian o resultado foille favorable, porque o ruso batiu a defensa Nimzoindia do armenio. Na partida Kramnik - Radjabov as cousas forin contrarias aos intereses do líder, con Kramnik dando boa conta do azerí, e deste xeito deixou a distancia no mínimo, medio punto. Tamén serviule a Kramnik para superar a Aronian, que queda terceiro a un punto do noruegués.

Na seguinte rolda encontro terceiro contra segundo, onde Aronian pode tratar de recuperar a segunda posición, como o máis importante da xornada.

Web oficial.

Candidatos 2013 (R10) Gañan os de arriba con Carlsen facendo unha obra de arte

Na décima rolda gañaron os tres de arriba, polo que sen lugar a dúbidas o gañador sairá de entre un deles. O resto están afastados e algúns parece que xa non o van tentar.
O líder cando comenzou a xornada era Carlsen, que tiña diante a un Gelfand que estaba subindo no torneo tras arrancar mal. O noruegués empregou outra vez a Rossolimo contra a siciliana, colleu a iniciativa  para mellorar pouco a pouco a súa posición ata gañar un peón.  O israelí tentou recuperarse, pero asistimos a unha lección maxistral de transformación de vantaxes dun tipo en outro e ao final, como case sempre, punto para Carlsen.

Aronian, o segundo da táboa a medio punto, xogaba con brancas e tiña diante a un Ivanchuk que segue a usar variantes raras en aperturas secundarias. A partida derivou nun intercambio de golpes tácticos con todo a piques de saltar polo aire, e o primeiro en non acertar foi o ucraniano, dando a vitoria a Aronian que mantivo a diferenza con Kramnik por abaixo e Carlsen por arriba.

Kramnik sacou de paseo a Berlinesa contra Grischuk, igualando doadamente a iniciativa que teñen as brancas polo dereito a mover primeiro. Ca partida nivelada Grischuk tivo un erro calculando nunha posición morta, estivo apurado de tempo dende a apertura, e entrou nun final de peóns perdido que Kramnik rematou sen atranco algún.

Radjabov e Svidler deron por finalizado o torneo, grave no caso do ruso, facendo unha partida de trámite para que non se poida decir que non xogaron. Táboas en menos de 20 xogadas e a pasear por Londres.

Na seguinte rolda teremos as seguintes partidas:

SNo.		Name	Rtg	Res.		Name	Rtg	SNo.
6	GM	Grischuk Alexander	2764	-	GM	Carlsen Magnus	2872	8
5	GM	Kramnik Vladimir	2810	-	GM	Radjabov Teimour	2793	7
4	GM	Svidler Peter	2747	-	GM	Aronian Levon	2809	1
3	GM	Ivanchuk Vassily	2757	-	GM	Gelfand Boris	2740	2

Web oficial.

Campionato galego absoluto 2013 - Tras catro roldas mandan Pablo Fernández Borrego, Óscar de Prado e Fernando Sánchez Aller

Tres xogadores contan as súas partidas por vitorias no campionato galego absoluto 2013 tras xogarse catro roldas. Son os MF Pablo Fernández Borrego, Óscar de Prado e Fernando Sánchez Aller. A un punto deles  un numeroso grupo de catorce xogadores con 3 puntos.

Resultados en ChessResults.