Campionatos mundiais da xuventude 2013 nos Emiratos Árabes Unidos

No mes de decembro van ter lugar estes campionatos nun lougar un tanto exótico. Polo momento catro españois están inscritos: David Antón, Miguel Santos, Amalia Aranaz e Irene Nicolás.

Páxina oficial.

O equipo checo G-Team Novy Bor gaña a Copa de Europa de clubes

Gañando seis encontros e empatando un o G-Team foi o gañador da copa europea, no que xogaron Navara, Woijtaszek, Laznicka, Sasikiran, Hracek, Bartel e Cvek. Na segunda praza acabou o Malachite ruso e terceiro o SOCAR uzbeko. O Montecarlo foi o gañador da categoría feminina.

Resultados

O GM Julio Granda gaña o Torneo Internacional Xadrez entre Faros

Xogado entre a localidades de Fisterra, Camariñas e Muxía disputouse este torneo internacional que reuniu a cinco grandes mestres de máis de 2600. Granda sumou 5,5 puntos dos dez en xogo, sacando medio de vantaxe a Cheparinov, que rematou na segunda praza.

Web oficial.

Torneo Internacional de Xadrez Entre Faros

Nos concellos de Fisterra, Camariñas e Muxía vai ter lugar un torneo internacional co motivo dos faros de fondo. Xogan Lázaro Bruzón, Julio Granda, Richard Rapport, Iván Cheparinov, Iván Salgado, nun torneo organizado polo clube Faro Touriñán.

As partidas comezan ás 15:00, e as dez roldas irán do día 5 ao día 14. Tres partidas no faro de Fisterra, tres partidas no faro do Cavo Vilán en Camariñas e as catro finais na Biblioteca Municipal de Muxía. As partidas son retransmitidas en directo todos os días na rede.

Web oficial.

Yifan Hou recupera o título mundial feminino

A chinesa Yifan Hou pasou por riba da actual campiona Anna Ushenina nun match pactado a 12 partidas pero que rematou na sétima con un marcador de 5,5 - 1,5. A ucraniana gañara o título na última Copa do Mundo, e tiña que defendelo nun match ante a excampiona. A competición foi gañada doadamente por Hou que foi moi superior en todo momento.

Web oficial

Carlsen gaña un forte cuadrangular en San Louis

Con 4,5 sobre 6 Magnus Carlsen levouse un torneo diante de Nakamura (3,5), Aronian (2,5) e Kamsky (1,5).
Web oficial.

O GM Iván Salgado gaña o campionato de España

Tras gañar varias categorías inferiores fai anos, desta vez Iván Salgado levouso o Campionato Absoluto de España, que xogouse en Linares. Con 7,5 puntos sacoulle medio ao GM Illescas e un punto a un grupo no que quedaron empatados Arizmendo, Korneev e Antón.

Resultados en ChessResults

Kramnik gaña a Copa do MUndo en Noruega

Sen moitos atrancos Vladimir Kramnik venceu na final a Andreikin, e levouse a Copa do MUndo 2013 que tivo lugar en Tromso, Noruega.

Copa do Mundo 2013 (R1) Sen sorpresas nas primeiras eliminatorias

A sala de xogo - Foto da web oficial

Nun torneo tipo copa destes que fai a FIDE, con dúas partidas e logo desempate en cada rolda, un pequeno erro pode deixar fóra a calquera ás primeiras de cambio. Nesta ocasión hai que baixar ata o taboleiro 24 para ver ao primeiro xogador con máis elo que o rival que non pasou a eliminatoria.

Dos de moi arriba soamente Kamsky tivo que desempatar. A campiona mundial Ushenina deu moito traballo a Svidler, que tivo que chegar ata o segundo desempate para eliminala, e o mesmo pasoulle a Shirov diante da excampiona Yifan Hou. Vallejo pasou sen atrancos gañando as dúas partidas ao arxentino Diego Flores. O veterán Beliavsky, da xeneración de Karpov, tamén pasou.

Web oficial.

Comeza a Copa do Mundo 2013 en Noruega

Sen Carlsen e Anand pero con a maioría das estrelas do momneto. Na localidade de Tromso compiten 128 xogadores entre os que está o español Vallejo.
Web oficial.