Norway Chess 2014 (Final) O GM Karjakin gañador por diante de Carlsen e Grischuk

O ruso Sergey Karjakin acadou o primeiro posto do No Logo Norway Chess do ano 2014 tras vencer na derradeira rolda a Fabiano Caruana e sumar así 5,5 puntos. O campión do mundo Carlsen tamén gañou na derradeira rolda ao seu compatriota Agdestein, pero botou en falta o medio punto que deixou de gañar a Svidler na rolda anterior e quedou segundo. O ruso Grischuk con negras derrotou ao tamén ruso Kramnik, subindo así ata a terceira praza e deixando a penúltima ao seu rival. O cadro final:

Pl	Name	1	2	3	4	5	6	7	8	9	Points	Berger	Wins	Black wins	i-Ratingprest
1	GM Sergey Karjakin	05	06	10	03	07	02	08	09	04	6,0	26,25	4	2	2899 (+15,40)
2	GM Magnus Carlsen	08	09	04	05	06	01	03	07	10	5,5	23,50	2	0	2841 (-4,10)
3	GM Alexander Grischuk	04	05	06	01	10	07	02	08	09	5,0	21,00	3	2	2814 (+2,50)
4	GM Fabiano Caruana	03	07	02	08	09	10	05	06	01	4,5	19,75	2	1	2771 (-2,40)
5	GM Veselin Topalov	01	03	07	02	08	09	04	10	06	4,5	19,50	2	1	2774 (+0,40)
6	GM Levon Aronian	10	01	03	07	02	08	09	04	05	4,0	18,25	1	0	2726 (-10,50)
7	GM Peter Svidler	09	04	05	06	01	03	10	02	08	4,0	18,25	0	0	2733 (-2,10)
8	GM Anish Giri	02	10	09	04	05	06	01	03	07	4,0	17,75	1	0	2733 (-2,00)
9	GM Vladimir Kramnik	07	02	08	10	04	05	06	01	03	4,0	17,00	2	1	2729 (-6,40)
10	GM Simen Agdestein	06	08	01	09	03	04	07	05	02	3,5	15,75	0	0	2710 (+9,20)

Web oficial.

O chinés Wi Yi gaña o Maxistral de León

O chinés de quince anos Wi Yi foi o gañador do cuadrangular de León, vencendo na final a Vallejo. Nas semifinais Wi Yi vencera a Iván Salgado, mentres que Vallejo eliminara a campiona mundial Yifan Hou.

Web oficial.

Norway Chess 2014 (R6) A falta de tres partidas sete xogadores en medio punto

Xornada movida no Norway Chess que estase a xogar en Stavanger, onde entrouse con un lider e saiuse con tres.

No encontro Aronian - Giri o holandés conseguiu chegar a un final con peón de máis, pero a presenza de bispos de diferente cor e con todos os peóns no mesmo flanco a partida rematou en táboas axiña. No encontro entre rusos da rolda, Grischuk - Svidler, en canto chegouse a unha posición de medio xogo igualada repetiron posición, aínda que parece que pouca cousa poderían facer para romper o empate.

Carlsen con negras xogou a defensa berlinesa contra Karjakin e rápidamente chegaron a unha posición morta na que firmaron táboas. O outro noruegués do torneo, Agdestein, segue a ser a sorpresa do mesmo. Hoxe contra o exlíder Caruana non pasou apuros e empatou, mantendo o seu +1.

A partida do día foi o encontro entre Topalov e Kramnik, que seguen sen levarse nin un pouco ben. Nela o ruso, líder do torneo, sacrificou torre por cabalo e peón na apertura obtendo suficiente contraxogo, pero perdeu o fío da partida e quedou peor e logo con un error táctico rematou por quedar perdido. Todo isto pasou nos apuros de tempo onde comezou un festival de malas xogadas por parte dos dous xogadores onde Kramnik cometeu o derradeiro erro e perdeu.

A falta de tres roldas Kramnik, Caruana e Carlsen empatan na cabeza con 3,5 puntos. Tras deles con 3 puntos Giri, Karjakin, Agdestein e Grischuk. Sete xogadores con todas as opcións para gañar o torneo.

Web oficial.

Norway Chess 2014 (R5) Kramnik vence a Caruana e ponse líder

O ruso Vladimir Kramnik derrotou ao hasta agora líder da proba, o italiano Fabiano Caruana, sumando así 3,5 puntos polos 3 do italiano, e acada a primeira praza da táboa no No Logo Norway Chess 2014. O ruso chegou a un final de torres con peón de vantaxe que o italiano non quixo xogar ata o final e abandonou.

Tamén acadou a vitoria na rolda Anish Giri diante de Topalov, que tiña vantaxe decisiva pero fixo unha xogada perdedora con todo a favor. Táboas entre rusos no Svidler - Karjakin, nunha partida sempre equilibrada.

Finalmente tamén primeira vitoria do torneo para o campión do mundo Carlsen, diante de Aronian, nunha partida na que estivo peor pero que o armenio acabou por estragar a súa posición.

Norway Chess 2014 (R3) Caruana líder en solitario

Tras xogarse tres roldas o italiano Caruana vai líder do torneo tras gañar dúas partidas e empatar outra. Tras del están dous xogadores rusos, Grischuek e Kramnik, con dous puntos.

Web oficial.

Norway Chess 2014 (R1) Unha única vitoria por parte de Caruana

Na primeira rolda do torneo No Logo Norway Chess todas as partidas remataron en táboas salvo a vitoria de Caruana ante Grischuk nun "blunder" do ruso. Os xogos foron moi disputadas e non houbo empates sen loita. Caruana é o primeiro líder cara á segunda rolda deste torneo que se está a xogar en Stavanger, Noruega.

Web oficial.

Carlsen gaña o torneo de rápidas do Norway Chess 2014

En Noruega vai ter lugar estes días un dos torneos máis fortes do ano, o No Logo Norway Chess 2014. O de No Logo é porque a lei noruega non permite anunciar a Unibet, que é quen pon os cartos para o torneo (iso si o poder facer, o de poñer os cartos) Nove roldas dun torneo que comeza mañá e remata o día 13, e con unha media de ELO de 2774, rebaixada pola inclusión dun segundo noruego, o GM Agdestein que "soamente" ten 2628.

Como previa disputouse un torneo de rápidas onde o campión mundial Magnus Carlsen gañou con autoridade, facendo 7,5 puntos sobre 9. Na segunda praza quedou o número dous do mundo, Levon Aronian, que con 6,5 fixo tamén un gran torneo. Terceira praza compartida para dous rusos, Karjakin e Grischuk, que empataron con 5,5 puntos. A clasificación final foi a seguinte:

1º Carlsen: 7,5

2º Aronian: 6,5

3º Grischuk e Karjakin: 5,5

5º Svidler: 5

6º Giri: 4,5

7º Caruana e Krmanik: 4

9º Topalov: 2

10º Agdestein: 1,5

Web oficial