- Europeo de seleccións (Final) Alemania campiona de Europa

A selección alemana, un país que non ten estrelas no xadrez pero sí xogadores fortes e competitivos, venceu na derradeira rolda a Armenia por 2,5 a 1,5 e grazas a esa vitoria lévase a medalla de ouro no europeo. Azerbaijan gañou 3-1 a Romania, e iso deulle a segunda praza. A terceira praza foi para Hungría, que nunha xornada memorable esmagou á Bulgaria de Topalov por 4-0 e quitoulle a terceira praza aos armenios por mellor desempate.

O desenvolvemento do torneo ao longo das roldas levou a que o campión se decidise no Alemania - Armenia. No primeiro taboleiro a partida Naiditsch - Aronian finalizou en táboas en nove xogadas. Moita confianza tiñan os armenios nos taboleiros baixos, porque o seu mellor xogador borrouse do encontro moi rápido. No terceiro taboleiro Fridman e Akopian tamén fixeron unhas táboas rápidas. A esas alturas do encontro todo estaba a favor dos armenios, porque levaban brancas nas partidas que faltaban. Pero no segundo taboleiro a Movsesian as cousas non lle saían. Meier empregou a defensa francesa, irónico sendo alemán, e colocou o seu rei a salvo enrocándose. Movsesian tentou forzar o ala de rei sen enrocarse primeiro, mentras Meier abriu o de dama. Por alí o negro comenzou a darlle problemas ao rei das brancas, que acabou en h1 e con as súas pezas descoordinadas. O alemán atacou e para salvar un mate Movsesian entregou material quedando perdido e rendíndose pouco despois. O campionato estaba na partida Sargissian - Gustaffson, na que o armenio tiña a iniciativa e presionaba moi forte. Pero o alemán encontrou un recurso sacrificando calidade forzando unha secuencia na que desapareceron os peóns. O resultado foi un final de torre contra bispo, no que o rei negro agachouse no rincón de cor distinto ao do seu bispo, que  fai táboas. Con ese empate Alemania levouse o campionato.

España rematou ben o torneo gañando a potente selección francesa por 2,5-1,5. Gañou Shirov e empataron Vallejo, Salgado e Illescas. Esta vitoria serviu para rematar na décima praza. Dado que no ranking inicial o equipo estaba no posto 13º pódese decir que o resultado foi bo, pero vendo as partidas un posto máis alto estivo ao alcance da man. Todos os xogadores tiveron una performance maior a do seu Elo, agás o galego Iván Salgado que non estivo a altura á que estivo no torneo Casino de Barcelona fai unhas semanas.

A favorita do torneo, Rusia, acabou nunha quinta praza que para eles é mala. A decepción do torneo foi Ucrania, onde Ivanchuk non estivo nada fino e Moiseenko e Efimenko rematadamente mal.

A clasificación dos 20 mellores:

Rk.	No.Ini.		Equipo	Equipo	Partidas	+	=	-	Des 1	Des 2	Des 3	Des 4	Des 5
1	10		Germany	GER	9	7	1	1	15	22.5	183.0	154.50	142.0
2	3		Azerbaijan	AZE	9	6	2	1	14	23.0	181.5	139.75	140.5
3	5		Hungary	HUN	9	5	3	1	13	23.0	167.5	117.25	128.0
4	4		Armenia	ARM	9	6	1	2	13	22.5	172.0	117.25	132.5
5	1		Russia	RUS	9	6	1	2	13	21.5	174.5	123.50	134.0
6	9		Netherlands	NED	9	5	2	2	12	19.0	180.0	118.25	140.5
7	7		Bulgaria	BUL	9	5	2	2	12	18.5	187.5	122.50	146.0
8	14		Poland	POL	9	4	3	2	11	22.0	159.0	95.25	124.0
9	17		Romania	ROM	9	5	1	3	11	20.0	163.5	87.00	135.0
10	13		Spain	ESP	9	5	1	3	11	19.5	183.0	108.50	142.0
11	22		Italy	ITA	9	5	1	3	11	19.0	164.0	91.25	135.5
12	18		Serbia	SRB	9	5	0	4	10	22.0	152.0	77.50	123.0
13	15		Georgia	GEO	9	4	2	3	10	22.0	140.5	71.25	116.0
14	11		Israel	ISR	9	4	2	3	10	20.0	170.5	93.25	131.0
15	2		Ukraine	UKR	9	4	2	3	10	19.0	172.0	90.25	132.5
16	12		Czech Rep.	CZE	9	3	4	2	10	18.5	178.0	97.50	139.5
17	21		Slovenia	SLO	9	4	2	3	10	17.5	185.0	101.00	144.0
18	20		Moldova	MDA	9	4	1	4	9	20.5	156.0	70.25	125.0
19	6		France	FRA	9	3	3	3	9	19.0	179.0	86.00	140.0
20	19		Greece	GRE	9	4	1	4	9	19.0	168.5	76.50	140.0

No torneo feminino Rusia levouse a primeira praza sen que ninguén puidera presentar batalla seria en todo o campionato. A segunda praza foi con certa comodidade para Polonia. O terceiro posto estivo máis disputado, a ao final foi para Georgia que aproveitou o 3-1 de Francia a Ucrania na rolda final.

Na última partida España meteulle 3,5-0,5 a unha Lituania que viña ao torneo debilitada sen Cmilyte, e con isto subiu uns cantos postos na clasificación final, ocupando o 11º na táboa final. Partía do 10º no ranking, así que unha actuación acorde ao esperado. A mellor do equipo foi Yudania Hernández. Sabrina Vega e Lucía Pascual non estiveron nada ben.

A clasificación das 20 mellores seleccións:

Rk.	No.Ini.		Equipo	Equipo	Partidas	+	=	-	Des 1	Des 2	Des 3	Des 4	Des 5
1	1		Russia	RUS	9	8	1	0	17	25.5	177.0	165.50	137.5
2	5		Poland	POL	9	6	2	1	14	23.0	178.0	133.25	138.5
3	3		Georgia	GEO	9	7	0	2	14	22.5	181.0	134.00	139.0
4	2		Ukraine	UKR	9	6	0	3	12	21.5	180.0	110.50	138.0
5	12		France	FRA	9	6	0	3	12	21.0	172.5	107.50	133.5
6	8		Bulgaria	BUL	9	5	1	3	11	19.5	175.5	100.00	135.5
7	4		Armenia	ARM	9	4	3	2	11	19.0	182.0	104.00	139.5
8	7		Germany	GER	9	4	2	3	10	20.5	161.5	86.50	125.5
9	15		Israel	ISR	9	4	2	3	10	19.0	164.5	85.00	125.5
10	11		Slovenia	SLO	9	4	2	3	10	19.0	146.0	74.50	119.5
11	10		Spain	ESP	9	4	1	4	9	19.5	152.0	69.00	117.5
12	18		Czech Rep.	CZE	9	3	3	3	9	18.0	176.0	85.00	136.0
13	13		Netherlands	NED	9	3	3	3	9	18.0	167.0	81.25	128.5
14	21		Austria	AUT	9	4	1	4	9	17.5	150.0	62.25	120.5
15	6		Hungary	HUN	9	3	3	3	9	17.0	172.0	79.00	129.5
16	19		Croatia	CRO	9	4	1	4	9	17.0	169.0	79.25	129.0
17	9		Romania	ROM	9	4	1	4	9	16.5	184.5	84.75	142.0
18	14		Serbia	SRB	9	3	2	4	8	19.5	151.0	52.75	124.5
19	23		Italy	ITA	9	3	2	4	8	18.0	132.5	48.25	110.5
20	17		Azerbaijan	AZE	9	3	2	4	8	17.5	159.5	65.75	123.5

Web oficial. Resultados en ChessResults.