A terceira rolda da competición deixou a vitoria do local Nisipeanu diante de Ivanchuk. O ucraniano colocou unha berlinesa na que quedou demasiado pasivo, e o rumano presionou pouco a pouco ata quedar con posición gañadora.
O enfrontamento entre Radjabov e Carlsen rematou en táboas. Tras un cambio masivo de pezas nas primeiras xogadas o noruegués acadou unha mellor disposición de peóns, pero a cambio da mellor disposición de pezas do azerí. Tras unhas poucas voltas a posición chegou a unha posición de torres e peóns que non daba para nada.
O Karjakin - Nakamura foi unha Najdorf extraña, propia do estilo do americano. A posición pechouse e ningún tiña interés por forzar, así que firmouse o empate en canto pasaron do límite de 30 xogadas para poder ofrecelo.
Agora a táboa queda con Carlson na cabeza con dous puntos, seguido de Ivanchuk, Nakamura, Karjakin e Nisipeanu con punto e medio. Pecha con un Radjabov.
A rolda de mañá:
| 3 | GM | Nisipeanu Liviu-Dieter | 2662 | - | GM | Radjabov Teimour | 2744 | 6 |
| 4 | GM | Karjakin Sergey | 2776 | - | GM | Carlsen Magnus | 2815 | 2 |
| 5 | GM | Nakamura Hikaru | 2774 | - | GM | Ivanchuk Vassily | 2776 | 1 |
Ningún comentario:
Publicar un comentario