- Clasificacións finais dos galegos sub-14 e sub-18 2011

Julio Suárez Gómez do Xadrez Fontecarmoa e Martín Arellano Pardo do Xadrez Ourense son os novos campións galegos sub-14 e sub-18.

Enlace da Fega cos datos completos.

- Asemblea Xeral da FEGA

Da páxina da FEGA:

09/03/2011 - CONVOCATORIA ASEMBLEA XERAL ORDINARIA O 20 DE MARZO DE 2.011

Por orde do Sr. Presidente da Federación Galega de Xadrez convócase, según o artigo 33.2 dos Estatutos da FEGAXA, reunión da Asemblea Xeral Ordinaria desta federación deportiva o vindeiro día 20 de Marzo de 2.011 ás 11:30 horas en primeira convocatoria e ás 12:00 horas en segunda convocatoria; no Hotel Scala de Padrón.

- Campionatos de España dende sub-8 a sub-18 en Padrón

A Feda publica a información nos seguintes enlaces: Sub-8 a Sub-14. Sub-16 e Sub-18. Unha boa oportunidade para os xogadores galegos, que teñen un campionato importante "na casa". Os torneos serán dende finais de xuño ata finais de xullo.

- Clasificación final do Women Grand Prix 2010-2011

A Campiona do Mundo Yifan Hou foi a gañadora do circuito, seguida de Koneru e Dzagnidze.
Clasificación completa.

- Women Grand Prix Qatar 2011 (Final) Koneru gaña por Sonnen a Danielian

A armenia Danielian foi na cabeza da clasificación todo o torneo ata que chegou a última rolda. Nela fixo unhas táboas en pleno medio xogo con Stefanova, o que fixo que sumara 8 puntos. Ninguén podía superala, pero si podían igualar os seus puntos.
Sebag podía facelo, pero a súa defensa siciliana foi derrotada por Munguntuul, que adoptou o ataque inglés e gañou con claridade superando estratéxicamente á francesa. A pesar da derrota Sebag rematou na terceira praza.
A india Koneru tamén podía alcanzar á xogadora armenia se gañaba, e gañou. Para iso empregou unha variante pouco habitual da defensa Benoni. A súa rival, Zhu Xhen, primeiro deixouse un peón nun truco táctico. Pouco despois recuperouno, pero a cambio de deixar sen xogo ao alfil que tiña ademáis dunha torre. A xogadora india aproveitou para esnaquizar o ala de dama da rival e a qatarí rendeuse.
Deste xeito Koneru alcanzaba a Danielian, e tras calcular o sonnen resultou que a xogadora que fora en cabeza todo o torneo foi superada na táboa final. Ben polas táboas rápidas da armenia!

Rnk	SNo.		Name	Rtg	FED	1	2	3	4	5	6	7	8	9	10	11	12	Pts	Res.	SB
1	1	GM	Koneru Humpy	2607	IND	*	1	½	½	1	0	½	1	1	1	½	1	8	1	41.75
2	8	GM	Danielian Elina	2454	ARM	0	*	1	0	1	1	1	1	½	1	½	1	8	0	40.25
3	5	GM	Sebag Marie	2489	FRA	½	0	*	1	½	1	1	0	½	1	½	1	7	0	35.00
4	3	GM	Cramling Pia	2516	SWE	½	1	0	*	½	1	0	0	½	½	1	½	5½	1½	30.50
5	6	GM	Chiburdanidze Maia	2502	GEO	0	0	½	½	*	½	1	0	1	1	½	½	5½	1	26.75
6	12	GM	Dzagnidze Nana	2550	GEO	1	0	0	0	½	*	1	1	1	0	1	0	5½	½	29.25
7	9	GM	Xu Yuhua	2484	CHN	½	0	0	1	0	0	*	1	0	1	1	½	5	1	24.75
8	7	IM	Munguntuul Batkhuyag	2410	MGL	0	0	1	1	1	0	0	*	½	0	½	1	5	0	25.75
9	10	IM	Mkrtchian Lilit	2475	ARM	0	½	½	½	0	0	1	½	*	½	0	1	4½	½	23.50
10	2	IM	Fierro Baquero Martha L	2363	ECU	0	0	0	½	0	1	0	1	½	*	½	1	4½	½	21.00
11	4	GM	Stefanova Antoaneta	2546	BUL	½	½	½	0	½	0	0	½	1	½	*	0	4	0	23.50
12	11	GM	Zhu Chen	2495	QAT	0	0	0	½	½	1	½	0	0	0	1	*	3½	0	17.50

Web oficial.

- Women Grand Prix Qatar 2011 (10R) Cramling mantén vivo o torneo

A sueca Cramling venceu a armenia Danielian, e así deixa aberto o torneo para a derradeira rolda. A defensa Merano esta vez non serviulle a Danielian, que viu como Cramling conseguiu un peón pasado avanzado que gañou a partida. A vitoria de Koneru e as táboas de Sebag deixan as dúas con 7 puntos, por 7,5 de Danielian, e todo vaise decidir mañá, e que podemos ver a contianuación.

6	GM	Chiburdanidze Maia	2502	-	GM	Dzagnidze Nana	2550	12
7	IM	Munguntuul Batkhuyag	2410	-	GM	Sebag Marie	2489	5
8	GM	Danielian Elina	2454	-	GM	Stefanova Antoaneta	2546	4
9	GM	Xu Yuhua	2484	-	GM	Cramling Pia	2516	3
10	IM	Mkrtchian Lilit	2475	-	IM	Fierro Baquero Martha L	2363	2
11	GM	Zhu Chen	2495	-	GM	Koneru Humpy	2607	1

Danielian xoga ca colista Stefanova, que ten 3,5 puntos, máis Koneru con Zhu Chen, que tamén ten 3,5 puntos. A rival de Sebag e Munguntuul, que completa a curiosidade de que as tres primeiras xogan cas tres últimas.

Web oficial.

- Women Grand Prix Qatar 2011 (9R) Danielian xa vence de novo

Tras perder a súa primeira partida onte Danielian non se viu afectada hoxe, e con brancas sacou con claridade o punto contra Fierro. Koneru non foi que de seguir o ritmo e queda máis lonxe da cabeza tras as táboas con Xu Yuhua. A que si gañou a súa partida foi a francesa Sebag, que mantén a distancia ca líder de un punto a falta de dúas partidas. Na derradeira posición desfíxose o empate, e agora é a qatarí Zhu Chen que é colista en solitario.

Web oficial.

- Engadimos á columna uns problemas de xadrez.

A partir de xoxe cada día teremos uns problemas para resolver que xentilmente proporciona a páxina Shredderchess.com. 

- Women Grand Prix Qatar 2011 (8R) Koneru vence á líder Danielian

Nunha gran partida a xogadora india venceu a armenia, onde pódese ver o poder dun centro forte, e desta forma xa non quedan xogadora imbatidas. A pesares de todo Danielian mantén a primeira praza con un punto de vantaxe sobre Koneru e Sebag. Quedan tres partidas para rematar o torneo e o calendario de Koneru parece un pouco máis favorable que o das outras xogadoras con opcións de vitoria. Dzagnidze con 5 puntos e Cramling con 4,5 parecen estar descartadas.

Web oficial.

- Women Grand Prix Qatar 2011 (7R) Seis e medio de sete para a armenia Danielian

Non ten rival a xogadora de Armenia neste torneo do Grand Prix feminino. A falta de catro partidas leva punto e medio de vantaxe sobre a francesa Sebag, que marcha na segunda praza con cinco puntos. Na terceira praza está Koneru con catro e medio. Pechan a táboa Stefanova, Xu Yuhua e Zhu Chen con dous puntos. Táboa completa.

Web oficial.