Zurich 2014 (R1) Carlsen e Aronian comezan gañando

A primeira partida de torneo de Magnus Carlsen tras proclamarse campión mundial foi un exemplo máis do seu estilo de xogo. Nunha partida igualada comezou a acadar pequenas vantaxes ante Gelfand, que non puido ca presión do xogo e do reloxo, e acabou perdendo por tempo vendo como a súa posición facía auga por todas partes.

O subcampión non tivo a mesma sorte. Anand perdeu con Aronian nunha partida na que pronto quedou moito peor. Nakamura non foi quen de impoñer o seu peón de vantaxe a Cauana e a partida rematou en táboas.

Web oficial

Open de Gibraltar 2014

Estase a xogar o Open de Gibraltar un ano máis, con moitos titulados. Na parte máis alta da orde de forza Adams, Vachier-Lagrave, Ivanchuk, Vitiugov, Eljanov e Tomashevsky. Este ano participan unha chea de españois, con Francisco Vallejo, Iván Salgado e David Antón cos Elos máis altos.

Web oficial.

Comeza en Zurich o torneo máis forte da historia

Seis xogadores tomarán parte en Suiza no torneo máis forte da historia por Elo, con unha media de 2801 puntos. Carlsen, Aronian, Nakamura, Caruana, Gelfand e Anand xogarán un pechado de tan só cinco roldas do 30 de xaneiro ao 3 de febreiro, onde a puntuación será 2, 1 e 0. No día 4 xogarán un torneo de rápidas que tamén conta para a puntuación final do torneo, sumando a metade por partida que no normal.

É o primeiro torneo do novo campión mundial dende que obtivo a coroa e tendrá un reto importante tras ver o xogo de Aronian en Holanda fai uns días.

Web oficial.

Aronian gaña o Tata Steel Chess 2014

O clásico de Wijk Aan Zee foi nesta edición para o armenio Levon Aronian, que deuse un agradable paseo por Holanda e gañou o torneo sumando 8 puntos, un e medio máis que o segundo a pesares de perder a derradeira partida. A segunda praza foi para o holandés Anish Giri e a terceira para o ruso Sergei Karjakin. A decepción foi Nakamura que con 5 puntos non deu batalla ao gañador.

Web oficial.

Wijk Aan Zee 2014 (R6) Aronian lider con 5 de 6

Estase a xogar o Tata Steel Chess de 2014. O número 2 do mundo, o armenio Aronian, domina o torneo con +4 =1 -0, e ten un punto de vantaxe sobre o local Giri e o ruso Karjakin, que levan catro puntos. Pachan a táboa o israelí Gelfand con 1,5 e o alemán Naiditsch con 1.

Páxina oficial.

Pasamento do GM Gashimov

O GM azerí Vugar Gashimov faleceu aos 27 anos dun tumor cerebral. Gashimov foi un habitual da selección do seu país gañando varias medallas en competicións internacionais.

Dúas pratas para España nos Mudiais xuvenís

Irene Nicolás no Sub-16 feminino e David Antón no Sub-18 absoluto acadaron a segunda praza nos mundiais de categorías inferiores que tiveron lugar nos E.A.U. no mes de Nadal.

Web oficial

Lista FIDE Xaneiro 2014

O novo ano non trae moitos cambios. Carlsen segue moi distanciado do segundo, Aronian, ao que segue Nakamura, que superou a Kramnik neste mes. Topalov segue quinto e Caruana e Grischuk cambian postos, quedando o italiano na sexta praza. O primeiro español segue a ser Vallejo, no posto 43 da lista mundial.

Lista FIDE.

A FIDE anuncia o Torneo de Candidatos 2014

O aspirante ao título de Magnus Carlsen sairá dun encontro que vaise xogar en Siberia en marzo de 2014, entre Anand, Kramnik, Andreikin, Topalov, Mamedyarov, Aronian, Karjakin e Svidler. O gañador xogará con Carlsen a finais do 2014.

Web oficial.

LXV Torneo de Navidad de Artesanos

Datas de celebración: Sábado 21 e Domingo 22 de nadal de 2013.

 

Vai en parte coincidir coa celebración dos Torneos Provinciais nas categorías sub18 e sub14

 

Sistema suízo a cinco roldas.

 

Ritmo de xogo: 40 minutos con incremento de 10 segundos por xogada. En caso de non ter reloxos dixitais suficientes (pola celebración simultánea dos devanditos torneos provinciais) o ritmo cambiará a 60 minutos finish.

 

Participantes: Tódolos interesados.

 

Cota de Inscrición: 4 euros (gratuito para socios de Artesanos e de Palaestra)

 

Xeito de Inscrición: Mediante correo electrónico (asociacion@palaestra.net) ou no teléfono 981 150 168.