Magnus Carlsen gaña o Tata Steel Chess 2016

Facendo 9 puntos dos 14 posibles o campión mundial de xadrez Magnus Carlsen foi o gañador do primeiro torneo importante do ano, o Tata Steel Chess xogado na localidade holandesa de Wijk Aan Zee. Tras el quedaron empatados dous xogadores, Fabiano Caruana e Ding Liren, que fixeron 8 puntos. Con 7 puntos remataron Wesley So, Anish Giri e Pavel Eljanov.

Web oficial.

Tata Steel Chess 2016 (R9) Carlsen máis líder

Tras gañar a Adams na novena rolda Magnus Carlsen suma 6,5 puntos e encabeza a táboa do torneo en Wijk Aan Zee. Tras del está Caruana con un punto menos, e despois catro xogadores empatan a un e medio do líder.

Tata Steel Chess 2016 (R7) Caruana e Carlsen na cabeza á metade do torneo.

Magnus Carlsen e Fabiano Caruana comparten a cabeza do Tata Steel Chess 2016 tras xogarse sete das trece partidas das que consta a competición, os dous con 5 puntos. Tras deles, a un punto, estan Wesley So, Ding Lireng e Anish Giri.

Comenzou en Wijk Aan Zee o Tata Steel Chess 2016

O primeiro torneo importante do ano, o Tata Steel Chess, púxose en marcha en Holanda, con Carlsen como favorito, seguido de Giri, Caruana e Wesley So.

Na primeira rolda táboas entre Carlsen e Navara, igual que na partida entre Yi Wei e Tomashevski. Wesley So deu conta de Giri, o mesmo que Caruana de Eljanov. Yifan Hou e Karjakin empataron, o mesmo que Mamedyarov e Van Wely. Ding Lireng derrotou a Adams.

Web oficial.

Tata Chess 2015 (Final) Magnus Carlsen gaña e catro xogadores empatan na segunda praza

O campión mundial Carlsen levouse o clásico de Wijk Aan Zei, o Tata Steel Chess, facendo nove puntos sobre os trece posibles. Tras del catro xogadores empataron con medio punto menos: Vachier-Lagrave, Giri, So e Ding.

No torneo "B" o gañador foi o chinés Wei, con dez puntos e medio. A medio punto quedou Navara e a un do checo quedou o americano Shankland.

Web oficial

Tata Steel Chess (R11) Wesley So achégase a Carlsen

Tras a xornada de hoxe Magnus Carlsen segue de líder do torneo con 8 puntos, seguido por Wesley So, que hoxe recortou medio punto tras gañar a Saric. Con 7 están Giri, Vachier-Lagrave e Ding.

Tata Steel Chess 2015 (R8) Outra vitoria de Carlsen o deixa líder en solitario

Magnus Carlsen tras gañar a Jobaba levando negras é o novo líder en solitario do torneo tras a derrota de Ivanchuk. Nun final de damas de súpeto o campión mundial montou unha rede de mate decisiva que deulle o punto, polo que con seis sobre oito mantén a primeira praza. O outro líder Ivanchuk xogaba contra o segundo clasificado, Wesley So. Xogaron unha liña da española parecida ao gambito Marshall, onde So sacrificou unha peza contra o enroque branco e a continuación de Ivanchuk non foi a acertada para saír dos problemas tácticos e tivo que abandonar na xogada 26ª.
Vachier-Lagrave, que tamén estaba a medio punto da cabeza, deu boa conta de Giri nunha posición onde as pezas do francés coordináronse perfectamente para obter vantaxe decisiva pouco despois de iniciarse o medio xogo e chegar a un final gañado. Liren Ding derrotu a Ivan Saric tras gañarlle unha peza nunha combinación no medio xogo tras unha defensa eslava. So, Ding e Vachier-Lagrave quedan a medio punto de Carlsen con cinco puntos e medio.
Caruana con negras conseguiu vencer a Van Wely nun final de damas onde tiña tres peóns de vantaxe, tras conseguir esquivar a serie de xaques do holandés. Radajabov gañou a Wojtaszek montando unha rede de mate nun final de peóns, con unha torre e bispos de distinta cor. Hou e Aronian empataron nunha partida onde a campiona do mundo tivo másis oportunidades de gañar, pero non acertou.
Mañá é día de lecer para os xogadores, e as partidas estarán de volta o martes.

Web oficial.

Tata Steel Chess 2015 (R7) Carlsen chega ata a cabeza tras gañar a cuarta partida seguida

Nesta rolda tiñamos un enfrontamento entre os dous campións mundiais actuais, e nel Magnus Carlsen conseguiu derrotar a Yifan Hou. A partida chegou a unha situación complicada e con apuros de tempo para os dous xogadores. A iniciativa era do noruegués, que estaba algo máis apurado, pero a xogadora chinesa non acertou nunha xogada e a súa posición pasou de apurada a perdida.

O colista Jobaba por fin gañou, e foi a quen era ata agora o heroe do torneo tras gañar a Carlsen e Caruana, Wojtaszek. Outro gañador da xornada foi Vachier-Lagrave que con negras conseguiu superar ao croata Saric. Aronian e Caruana fixeron táboas, o mesmo que So e Radjabov.

O líder Ivanchuk chegou a un final contra Giri onde o holandés tiña dama e dous peóns contra un e a dama do ucraniano, pero a situación dos tres peón en soamente dúas columnas daban boas posibilidades de defensa a Ivanchuk, e as táboas chegaron na xogada 102. Na partida entre Ding e Van Weely o chinés acadou un final con dous peóns de vantaxe, onde o holandés con bispo e torre contra cabalo e torre defendeuse todo o que pudo, pero acabou perdendo.

Tras esta rolda os líderes do torneo son Ivanchuk e Carlsen con 5 puntos, seguidos de Vachier-Lagrave, So e Ding a medio punto.

Web oficial.

Tata Steel Chess 2015 (R6) Ivanchuk líder con Carlsen, Wojtaszek e So a medio punto

A sexta rolda deixounos un empate de Ivanchuk que permíte ao ucraniano manter a primeira praza con 4,5 puntos. Dos seus perseguidores Lireng Ding perdeu co francés Vachier-Lagrave, e Wojtaszek non pasou do empate ca campiona mundial Yifan Hou. No encontro máis agardado do torneo Carlsen con negras derrotou a Caruana, encadeando tres vitorias seguidas, e deste xeito suma catro puntos e entra no grupo dos perseguidores do líder. A ese grupo sumouse o americano antes filipino Wesley So tras derrotar a Jobava, que leva medio punto e é colista destacado. Aronian vai penúltimo e segue sen recuperar a forma.

Xunto ao torneo Masters estase a xogar o Challengers, onde o chinés Yi Wei encabeza a táboa empatado con Navara.

Web oficial.

Tata Steel Chess 2015 (R5) Ivanchuk mantén a cabeza

Tras facer táboas con o que era o segundo clasificado, o chinés Lireng Ding, o ucraniano Ivanchuk segue de líder do torneo con 4 puntos, sendo 3,5 os que ten Ding. Empatado co xogador da China está o polaco Wojtaszek, que tras gañar o outro día a o número un do mundo, Carlsen, hoxe o fixo co número dous, Caruana. Con 3 puntos están Caruana, Carlsen tras gañar a Aronian, e Giri que derrotou a Jobava.

Os resultados da rolda:

Vachier-Lagrave - Van Wely: 0,5 - 0-5

Ding - Ivanchuk: 0,5 - 0-5

Saric - Radjabov: 0 - 1

Giri - Jobava: 1 - 0

So - Hou: 0,5 - 0-5

Wojtaszek - Caruana: 1 - 0

Carlsen - Aronian: 1 - 0  

Na sexta rolda o encontro máis interesante é o Caruana - Carlsen. Ivanchuk defenderá o liderato contra Saric.

Web oficial.

Tata Steel Chess 2015 (R4) Ivanchuk líder con 3,5 sobre 4

O ucraniano Ivanchuk está nunha desas rachas boas que alterna con outras nefastas, e iso fai que estea na cabeza do torneo con 3,5 puntos, medio por diante de Caruana e Ding, que levan 3. O favorito do torneo, Carlsen, soamente leva a metade dos puntos, e aínda peor vaille a Aronian, outro dos que tiñan que loitar polo torneo, que leva 1,5.

Web oficial.

Tata Steel Chess 2015 (R1) Tres líderes

Ivanchuk, Vassier-Lagrave e Caruana son os primeiros líderes do torneo tras vencer na primeira rolda a Jobava, Hou e Ding. As outras catro partidas foron empates con loita.

Os resultados completos:

Radjabov, T. - Van Wely, L.  ½-½
Ivanchuk, V. - Jobava, B.1-0
Vachier-Lagrave, M. - Hou, Y.1-0
Ding, L. - Caruana, F. 0-1
Saric, I. - Aronian, L. ½-½
Giri, A. - Carlsen, M. ½-½
So, W. - Wojtaszek, R. ½-½

Web oficial

O dez de xaneiro comeza o Tata Steel Chess 2015

Un ano máis o festival holandés de xadrez vai ter lugar en Wijk Aan Zee. Catorce xogadores toman parte do torneo principal, con Carlsen, Caruana, Aronian, Giri e Wesley So como cabezas de serie.

Web oficial.

Aronian gaña o Tata Steel Chess 2014

O clásico de Wijk Aan Zee foi nesta edición para o armenio Levon Aronian, que deuse un agradable paseo por Holanda e gañou o torneo sumando 8 puntos, un e medio máis que o segundo a pesares de perder a derradeira partida. A segunda praza foi para o holandés Anish Giri e a terceira para o ruso Sergei Karjakin. A decepción foi Nakamura que con 5 puntos non deu batalla ao gañador.

Web oficial.

Wijk Aan Zee 2014 (R6) Aronian lider con 5 de 6

Estase a xogar o Tata Steel Chess de 2014. O número 2 do mundo, o armenio Aronian, domina o torneo con +4 =1 -0, e ten un punto de vantaxe sobre o local Giri e o ruso Karjakin, que levan catro puntos. Pachan a táboa o israelí Gelfand con 1,5 e o alemán Naiditsch con 1.

Páxina oficial.

Analise de partidas polo GM Daniel King para ChessBase do Tata Steel 2013

Enlazamos uns cantos vídeos con interesantes analises de partidas xogadas neste torneo. Moi recomendable a partida Aronian - Anand, tal vez a mellor do que levamos de século.

Tata Steel Chess (Final) Magnus Carlsen gaña en Wijk Aan Zee

A derradeira partida de Carlsen foi un trámite

Con 10 puntos sobre 13 e xogando a 2930 Magnus Carlsen foi o claro gañador do Tata Steel Chess 2013. Por detrás del, a medio PUNTO Aronian, e logo Anand e Karjakin que sumaron 8 puntos. Pecharon a táboa Caruana con 5 puntos e deixándose 25 de Elo, L'Ami con 4 e Sokolov con 3.

No grupo B Naiditsch e Rapport empataron na cabeza con 9 puntos, deixando detrás, a medio de distancia a Movsesian e Smeets. Pechou con 3,5 Ernst.

No grupo C o gañador foi Brunello, que gañou a derradeira partida mentres Peralta facía unhas rápidas táboas, correndo o risco de non quedar na cabeza como así aconteceu.

Web oficial.

Tata Steel Chess (R12) A Carlsen sóbralle a derradeira partida para gañar o torneo

Magnus Carlsen xa é o gañador do torneo tras esnaquizar a Nakamura na rolda 13ª, para sumar así 9,5 puntos e sacarlle un e medio aos seus perseguidores, Anand e Aronian. Aronian empatou con Giri sen facer nada por tratar de gañar e apretar o torneo. Anand tivo que remontar contra L'Ami, que atacou o enroque do campión mundial pero non acertou, a partida deu a volta e quedou nun final gañador para Anand. Segue sen levantar cabeza Caruana, a cinco puntos do líder.

No grupo B os líderes a cousa vai estar sen decidir ata que acaben as partidas da última rolda, con varios xogadores con opcións: Rapport, Movsesian e Naiditsch teñen 7,5 puntos, a e medio deles está Smeets. Non xogan entre eles, así que todo pode pasar.

No grupo C o título estará entre  o arxentino Peralta e o italiano Brunello, que con 10 puntos deixan a dous e medio aos seus rivais. A partida de Brunello en principio é máis doada, pero nunca se sabe.

Web oficial.

Tata Steel Chess (R10) Carlsen segue imparable

Con 8 sobre 10 e xogando a 2954 o número un do mundo parece sentenciar o torneo. Carlsen saca punto e medio a Anand, Aronian e Nakamura e a falta de tres roldas soamente terá que xogar con americano. O calendario de Anand é o menos difícil do dos catro, pero parece difícil que alguéu poña en perigo a vitoria do noruegués.

Web oficial

Tata Steel Chess (R8) Carlsen líder

Un clásico, Jan Timman

No grupo A un dos líderes, Anand, fixo táboas rápidas con Sokolov, o que permitiu ao holandés deixar de ser o colista e a Anand chegar aos 5,5 puntos. O outro líder, Magnus Carlsen, deu moitas voltas a unha partida igualada contra un dos xogadores que tiña a medio puntos, Karjakin, ata chegar a un final onde o ruso perdeu a rumbo e rematou perdendo, polo que o noruegués é líder en solitario con 6 puntos.

O outro perseguidor, Nakamura, salvou medio punto nun final perdido contra van Wely. Aronian tras a súa vitoria de hoxe suma 5 puntos igual que o americano.

No grupo B hai na cabeza tres xogadores empatados: Rapport, Movsesian e o veterano Timman, os tres con 5,5. A medio punto deles encóntrase Naiditsch..

No C o torneo parece cousa de dous, Peralta e Brunello que con 6,5 sacan un ao seu perseguidor, Klein.

Web oficial.