sábado, 10 de decembro de 2011

- Londres 2011 (R7) Kramnik, Carlsen e McShane empatados na cabeza

A partida Aronian - Anand foi un fraude, como acontece de cando en vez nos torneos de elite. Na xogada 24, con todo por xogarse, táboas por repetición. Máis cedo que tarde haberá que tomar algunha medida para que isto non poida suceder, posto que é difícil explicar que alguén cobre por non facer nada.
Short voltou a ser orixinal e tras 1.e4 e5 sorprendeu a McShane facendo 2.f4, o gambito de rei. Short tratou de coller a iniciativa sacrificando peóns, pero McShane deulle a volta a unha partida chea de temas tácticos. e devolvendo material quedou en posición gañadora facendo abandonar ao seu rival.
A catalana de Kramnik semellaba ben controlada por Howell, pero o ruso foi metendo cada vez máis presión no ala de dama. Os dous xogadores acadaron un peón en sétima, pero a mellor posición das pezas de Kramnik deulle a vitoria porque cas entradas a dama e os cambios tiraba peza limpa.
Adams con negras diante de Carlsen saiu ben da apertura, e estaba relativamente ben no medio xogo, pero deixouse nel unha peza e a partida.
Tras o resultados do día de hoxe hai tres líderes con 12 puntos. McShane, Carlsen e Kramnik, que teñen un máis que Nakamura. O resto están lonxe e teñen poucas opcións.

Ningún comentario:

Publicar un comentario